قازاقستان رەسپۋبليكاسى ۇكىمەتىنىڭ قاۋلىسى  № 86

2015 جىلعى 21 اقپان, استانا, ۇكىمەت ءۇيى «قايتا وڭدەۋشى كاسىپورىنداردىڭ اۋىلشارۋاشىلىق ءونىمىن تەرەڭدەتە قايتا وڭدەپ ءونىم شىعارۋى ءۇشىن ونى ساتىپ الۋ شىعىندارىن سۋبسيديالاۋ قاعيدالارىن جانە كەپىلدەندىرىلگەن ساتىپ الۋ باعاسى مەن ساتىپ الۋ باعاسى بەلگىلەنەتىن اۋىلشارۋاشىلىق ءونىمنىڭ تىزبەسىن بەكىتۋ تۋرالى» قازاقستان رەسپۋبليكاسى ۇكىمەتىنىڭ 2014 جىلعى 13 مامىرداعى № 486 قاۋلىسىنا وزگەرىستەر ەنگىزۋ تۋرالى قازاقستان رەسپۋبليكاسىنىڭ ۇكىمەتى قاۋلى ەتەدى: 1. «قايتا وڭدەۋشى كاسىپورىنداردىڭ اۋىلشارۋاشىلىق ءونىمىن تەرەڭدەتە قايتا وڭدەپ ءونىم شىعارۋى ءۇشىن ونى ساتىپ الۋ شىعىندارىن سۋبسيديالاۋ قاعيدالارىن جانە كەپىلدەندىرىلگەن ساتىپ الۋ باعاسى مەن ساتىپ الۋ باعاسى بەلگىلەنەتىن اۋىلشارۋاشىلىق ءونىمنىڭ تىزبەسىن بەكىتۋ تۋرالى» قازاقستان رەسپۋبليكاسى ۇكىمەتىنىڭ 2014 جىلعى 13 مامىرداعى № 486 قاۋلىسىنا (قازاقستان رەسپۋبليكاسىنىڭ ءپۇاج-ى, 2014 ج., № 33, 311-قۇجات) مىناداي وزگەرىس ەنگىزىلسىن: 1) تاقىرىبى مىناداي رەداكتسيادا جازىلسىن: «كەپىلدەندىرىلگەن ساتىپ الۋ باعاسى مەن ساتىپ الۋ باعاسى بەلگىلەنەتىن اۋىلشارۋاشىلىق ءونىمنىڭ تىزبەسىن بەكىتۋ تۋرالى»; 2) كىرىسپەسى مىناداي رەداكتسيادا جازىلسىن: «اگروونەركاسىپتىك كەشەندى جانە اۋىلدىق اۋماقتاردى دامىتۋدى مەملەكەتتىك رەتتەۋ تۋرالى» 2005 جىلعى 8 شىلدەدەگى قازاقستان رەسپۋبليكاسىنىڭ زاڭى 5-بابىنىڭ 11) تارماقشاسىنا سايكەس قازاقستان رەسپۋبليكاسىنىڭ ۇكىمەتى قاۋلى ەتەدى:»; 3) 1-تارماقتىڭ 1) تارماقشاسى الىپ تاستالسىن; 4) كورسەتىلگەن قاۋلىمەن بەكىتىلگەن كەپىلدەندىرىلگەن ساتىپ الۋ باعاسى مەن ساتىپ الۋ باعاسى بەلگىلەنەتىن اۋىلشارۋاشىلىق ءونىمنىڭ تىزبەسى وسى قاۋلىعا قوسىمشاعا سايكەس جاڭا رەداكتسيادا جازىلسىن. 2. وسى قاۋلى العاشقى رەسمي جاريالانعان كۇنىنەن كەيىن كۇنتىزبەلىك ون كۇن وتكەن سوڭ قولدانىسقا ەنگىزىلەدى. قازاقستان رەسپۋبليكاسىنىڭ پرەمەر-ءمينيسترى ك.ءماسىموۆ. قازاقستان رەسپۋبليكاسى ۇكىمەتىنىڭ 2015 جىلعى 21 اقپانداعى № 86 قاۋلىسىنا قوسىمشا قازاقستان رەسپۋبليكاسى ۇكىمەتىنىڭ 2014 جىلعى 13 مامىرداعى № 486 قاۋلىسىمەن بەكىتىلگەن كەپىلدەندىرىلگەن ساتىپ الۋ باعاسى مەن ساتىپ الۋ باعاسى بەلگىلەنەتىن اۋىلشارۋاشىلىق ءونىمنىڭ تىزبەسى 1. قانت وندىرۋگە ارنالعان قانت قىزىلشاسى. 2. قۇرعاق ءسۇت (مايى الىنعان), سارى ماي جانە قاتتى ىرىمشىك وندىرۋگە ارنالعان ءسۇت شيكىزاتى.